NSSF KUWACHUKULIA ATUA KALI WAAJIRI MKOANI TANGA

Baadhi ya waajiri mkoani TANGA,wanatarajiwa kuchukuliwa hatua kali za kisheria ikiwemo kufikishwa  mahakamani kwa kosa la kutowasilisha michango ya makato ya kila mwezi ya wafanyakazi wao katika shirika la taifa la hifadhi ya jamii NSSF.

Akizungumza na MBONIYETU leo,meneja wa NSSF mkoa wa Tanga Ndugu.ELINAMI MASAOE,amesema hatua hiyo inajiri kutokana na mkoa huu kuwa na idadi kubwa ya waajiri wanaokihuka sheria na taratibu za shirika hilo ambapo ni wagumu kuiwasilisha michango ya wafanyakazi wao.

Amesema kwa kipindi kilichopita walikua na kesi kumi na nne mahakamani ambapo kesi saba walishinda na zengine saba bado zinaendelea kusikilizwa na kesi zote zinawahusu waajiri wanaokihuka sheria za shirika hilo.

Aidha amesema wanakutana na changamoto nyingi ikiwemo ya baadhi ya wanachama wa shirika hilo kugushi nyaraka kwa lengo la kuweza kupatiwa mafao yao ambapo ametoa rai kwa wanachama hao kuacha mara moja mchezo huo kwani ni kosa kisheria na kusema wapo mbioni kufuatilia kwa karibu makato ya wafanyakazi wanayokatwa na waajiri wao kila mwezi,kuongeza mafunzo kwa waajiri na wanachama wa shirika hilo ili watambua juu ya dhana zima ya mifuko ya shirika hilo.